Bíblian

Bíblian er Orð Guds og er skrivað av monnum undir leiðslu Heilaga Andans. Bíblian er innblást av Gudi og tí grundarlagið undir og myndugleikin yvir øllum sannleika og er vegleiðarin fyri andaliga lívið.

2 Tim. 3:16: Øll skriftin er innblást av Gudi og er nyttulig til lærdóm, til sannføring, til rættleiðing, til uppfostran í rættvísi,

2 Tim. 3:17: so gudsmenniskjað kann verða fullkomið, ført fyri at gera alt gott verk.

2 Pæt. 1:20: Fyrst og fremst mugu tit vita tað, at einki profetorð í skriftini er givið til egna týðing.

2 Pæt. 1:21: Tí aldri er nakað profetorð komið fram av vilja menniskja; nei, drivnir av Heilaga Andanum talaðu heilagir menn Guds.

1 Kor. 2:13: Tað tala vit eisini um, ikki við orðum, ið menniskjaligur vísdómur lærir, men við orðum, ið Andin lærir, táið vit týða hitt andaliga við andaligum orðum.

Jóh. 17:17: Halga tey í sannleikanum! Orð Títt er sannleiki.

Matt. 5:17: Hugsið ikki, at Eg eri komin at seta lógina úr gildi – ella profetarnar! Eg eri ikki komin at seta úr gildi, men at fullkoma.

Matt. 5:18: Tí sanniliga, sigi Eg tykkum: Inntil Himmal og jørð forganga, skal ikki minsti bókstavur ella prikkur av lógini forganga, fyrrenn tað alt hevur hent.

1 Tim. 5:18: Tí skriftin sigur: „Tú mást ikki múlbinda oksan, ið treskir“, og: „Arbeiðsmaðurin er løn sína verdur.“

2 Tim. 1:13: Hav til fyrimynd hini heilnæmu orð, ið tú hevur hoyrt av mær, í trúgv og kærleika í Kristi Jesusi!

Sálmur 119:105: Orð Títt er fóti mínum lykt og ljós á leið míni.

Sálmur 119:160: Alt orð Títt samanlagt er sannleiki, og til ævigar tíðir stendur øll rættvísilóg Tín føst.

Sálmur 12:7: Orð HARRANS eru rein orð, lík hinum reina, sjey ferðir reinsaða silvuri.

Orð. 30:5: Alt orð Guds er reint; Hann er teimum skjøldur, sum líta á Hann.

Lat aftur    Útskriva